مريم فخر الدين تتحدث عن أغرب يوم عاشتو في حياتها

 

.هحكيلك عن أهم و أغرب يوم عشته في حياتي..

سنة ١٩٦٧ لما إطلقت من أبو إبني ، كان بقالي أكتر من ٣ سنين مبشتغلش ، مش معايا فلوس ، إبني محتاج ياكل ، لازم أنزل أشتغل بأي طريقة و كنا في أيام نكسة و أمموا الاستوديوهات ، يعني منشنة على يوم مىٰيل أرجع فيه الشغل

.

رحت لوزير الثقافة ، قلت له عايزة أشتغل ، قالي إستني لشهر ١٢ ، إزاي و إحنا في شهر أربعة مقدرش أستنى !!

عرفت إن معظم الفنانيين سافروا لبنان ، رحت بايعة شوية الدهب اللي حيلتي و حجزت تذكرة ليا و لابني و المربية و سافرنا لبنان إحنا التلاتة

و أنا مفيش في جيبي غير ١٣ جنيه مصري !!

نزلت المطار قابلني واحد معجب ، قالي تحبي أوصلكم فين ؟ معرفتش أقوله إيه ، قالي كل الفنانيين المصريين ساكنين في عمارة يعقوبيان ، راح وصلني هناك و مشي

أول ما نزلت قابلني سمسار العمارة قلت له لو سمحت عايزة أأجر شقة مفروشة ليا انا و ابني ، بس تحويل الفلوس هيتاخر شوية (أنا بقول كده و أنا مش عارفة هدفع الفلوس منين أصلا بس طبعًا كنت ناوية أتصرف )

قالي أهلا وسهلا بيكي و أجرلي الشقة 😅♥️

و أنا طالعة لقيت سوبر ماركت قلت لازم أشتري اكل للبيت ، دخلت قلت له أنا مريم فخر الدين الممثلة ، جاية لبنان أصيف (مانا مش هقوله جاية أشــ7ـت) ، قالي تحبي تاخدي الطلبات على النوتة عشان تبقي زبونتنا ولا هتدفعي فوري ؟

قلت لا على النوتة طبعًا إحنا لازم نبقى زباين و حبايب 😂

المهم طلعلي على الشقة فواكه و فراخ و جبن و أكل كتير

المربية لما شافت كمية الأكل إستغربت ، قالت لي إزاي وانتي معاكي ١٣ جنيه بس ، قلت لها ده من عند ربنا. ♥️

المهم على ما الأكل إتعمل

نزلت أسأل السمسار مين من الفنانيين ساكن هنا في العمارة

قالي المخرج (ألبير نجيب) و مراته ، رحت متصلة بيه عزمته على الغدا ، جه و إتغدينا و إحنا بندردش بعد الأكل قالي إن فيه مخرج لبناني كان عايزني عشان نعمل فيلم 

قلت له طب ما تكلمه ، راح مكلمه و فعلاً جه شرب معانا القهوة ، و إتفقنا على الفيلم و دفعلي مقدم الأجر بتاعي ٥٠٠ جنيه استرليني و ده كان مبلغ كبير وقتها ♥️

كل حاجة إتدفعت و كل الديون إتسددت من عند ربنا.♥️

إوعي تفتكري إن اليوم خلص على كده !!

منتج الفيلم قالي إحنا عاملين لك حفلة كنوع من أنواع الدعاية للفيلم ، هتتصوري مع الممثل اللي هيظهر قدامك

كل ده بيحصل في نفس اليوم و أنا لسه منمتش !!!

الساعة عشرة بالليل نيمت ابني و لبست و اتزوقت و بقيت مريم فخر الدين الفنانة و الإبتسامة من هنا لهنا أصل التكشيرة مش هتفيد بحاجة ، أنا متعودة أبتسم دايمًا ♥️

.

لما وصلت لقيت اليُفط و الورود و الأنوار ، مع إني من شوية مكانش معايا غير ١٣ جنيه 😅

ببص لقيت (فهد بلان) داخل علينا و المفروض إن هو الفنان اللي هيمثل معايا في الفيلم ، و أنا مكنتش أعرفه خالص

رقصنا مع بعض و إتصورنا و إحنا قاعدين قالي عايز أتجوزك

بعد ٣ شهور كنا متجوزين 😅

و ده كان أغرب يوم عشته في حياتي 😅