أمل حياتي لأم كلثوم حفل الأزبكية 3 فيراير 1966

رائعة كوكب الشرق أم كلثوم أمل حياتي تسجيل من حفل الأزبكية 3 فبراير من سنة 1966

الكلمات لأحمد شفيق كامل – تلحين الموسيقار محمد عبد الوهاب

أمل حياتي يا حب غالي ما ينتهيش
يا أحلى غنوة سمعها قلبي ولا تتنسيش
خد عمري كله بس النهارده خليني أعيش
خليني جنبك فى حضن قلبك
وسيبني أحلم يا ريت زماني ما يصحينيش
أمل حياتي … عينيّا يا أغلى منّى عليّا
يا حبيب امبارح وحبيب دلوقتِ
يا حبيبي لبكره ولآخر وقتي
أحكي لي قوللي
إيه من الأماني ناقصني تاني وأنا بين ايديك
عمرى ما دقت حنان فى حياتي زى حنانك
و لا حبيت ياحبيبي حياتي إلا علشانك
وقابلت آمالى وقابلت الدنيا وقابلت الحب
أول ماقابلتك واديتك قلبي يا حياة القلب
أكتر من الفرح ده ما احلمش أكتــر من اللى أنا فيه ما أطلبش
بعد هنايا معاك يا حبيبي لو راح عمرى أنا مااندمش
وكفايه أصحى على شفايفك بتقوللى عيش
أسمعها غنوه تقول لحبي ما ينتهيش
خليني جنبك فى حضن قلبك
وسيبني أحلم يا ريت زماني مايصحينيش
يللى حبك خلى كل الدنيا حب
يللى قربك صحى عمر وصحى قلب
وانت معايا يصعب علىّ رمشة عينيه ولا حتي ثانية
يصعب علىّ ليغيب جمالك ويغيب دلالك ولو شويه
قد كده باشتاق إليك قد كده ملهوف عليك
نفسى أنده لك بكلمة ماتقالتش لحد تاني
كلمة قد هواك ده كله قد أشواقى وحناني
كلمة زيك واللى زيك فين؟
دا أنت زيك ما اتخلقش أتنين
وكفاية أصحى على شفايفك بتقوللى عيش
أسمعها غنوه تقول لحبي ماينتهيش
خليني جنبك فى حضن قلبك